BAZGASHT E RUMI بازگشت رومی
PKR: 2,500/- 1,750/-
Author: UMER FAROOQ FAROOQI
Binding: hardback
Year: 2026
Categories: TASAWUF / MYSTICISM
Publisher: AKS
عمر فاروق فاروقی
عمر فاروق فاروقی گزشتہ تین دہائیوں سے انفارمیشن ٹیکنالوجی کے شعبے سے وابستہ ہیں۔ پیشہ ورانہ زندگی میں کامیاب خدمات انجام دینے کے ساتھ ساتھ ان کی فکری، ادبی اور روحانی جستجو ہمیشہ ان کی شخصیت کا نمایاں وصف رہی ہے۔ بچپن ہی سے وہ اپنے والد، ممتاز مصور پروفیسر ڈاکٹر محمد شفیق فاروقی کے فن، تخلیقی بصیرت اور جمالیاتی شعور سے متاثر رہے، جبکہ مولانا جلال الدین رومیؒ کی تعلیمات نے ان کے فکری و روحانی سفر کو نئی وسعت اور گہرائی عطا کی۔
تصوف، خود شناسی، عشقِ الٰہی اور انسان کے باطنی سفر کی تلاش ان کی تحریروں کے بنیادی موضوعات ہیں۔ ان کا اسلوب قاری کو ظاہری دنیا کے شور و ہنگامے سے نکال کر دل اور روح کی اُن وادیوں میں لے جاتا ہے جہاں خاموشی، محبت اور سوالات ایک نئی معنویت کے ساتھ جلوہ گر ہوتے ہیں، اور جہاں انسان اپنے باطن سے ایک گہرا رشتہ استوار کرتا ہے۔
بازگشتِ رومی ان کی پانچویں تصنیف ہے۔ اس کتاب میں انہوں نے اپنے ذاتی مشاہدات، روحانی تجربات، اپنے والد کے فن پاروں اور مولانا رومیؒ کی حکمت کو ایک مربوط فکری و جمالیاتی سفر میں پرو دیا ہے۔ یہ تصنیف محض مطالعے کی کتاب نہیں بلکہ خود شناسی، روحانی بیداری اور باطن کی دریافت کی ایک دعوت ہے، جو قاری کو اپنے وجود کے پوشیدہ اسرار اور حقیقتِ ذات کی جستجو کی جانب رہنمائی کرتی ہے۔
